Let the adventure begin

Mit nur einere Stund verspötig hets am virtel ab 2 endli gheisse "cleared for take off" und byebye Züri :) Die 10 Stund Flug sind zum Glück relativ rasch ume gange und es het kei grossi Turbulenze oder schreiendi Chind gä. Sogar s Esse im Flüger isch für einisch würkli mal guet gsi (Huet ab Edelwiis). In Vancouver aacho simmer rucki zucki dur d Immigration dure und go Köfferli hole, hend üs es RedBull und es Zigarettli gönnt (aso Claudia) und üs den vom Taxi is Granville Island Hotel kutschiere la. Det acho het's den zerst mal en Drink zur Aklimatisierig gä :) Claudia isch zerst no top motiviert gsi, no öpis z'undernä (mir chöntet ja no uf de Ussichtspunkt ufe), nachem feine Znacht im "The Keg" und eme wiitere Gläsli Wy het aber au sie müsse merke, dame mit Ü30 so knappi 23 Stund wach halt scho au nüm so locker vom Hocker weg steckt ;-)