Vancouver

Nachme leckere glutenfreie Zmorge hemmer üs top motiviert ufgmacht, zum Vancouver entdecke. Au wenn de Wettergott üses Vorhabe het welle vereitle, hemmer üs d Luune nid vermiese la. Mitm Hopp on Hopp off Bus hemmer üs zerst mal dur die ganz Stadt cruise la und hends denn bi China Town gwagt, de Bus z verla. Vo China Town, via Gas Town zu de Steam Clock bis zum Hafe hemmer em Rege trotzt (und sind sehr froh gsi, hemmer üs im Hotel gege d Sneakers entschide), wos den aber irgendwenn so fest quer gregnet het dass jede Schirm und jedi Regejagge nüt me bringt, hemmer zügig es Schlechtwetter-Programm brucht und sind drum s Aquarium von Vancouver go aluege (Elviiiiis). Zrugg im Hotel hets den zerst mal e warmi Duschi und e chli Rueh gä, bevor mir für Pizza & Burger namal zum Hotel uus sind.

Üses Fazit vo Vancouver - nass.... 

mir hoffed sehr, dass sich Vancouver Mitti Juni den au no vo sinere schöne Siite zeige wird :)