Indianerziite

Nachdem mir in Smithers im Two Sisters Cafe üse Blog mal wieder chli g‘updatet hend, hemmer üs uf de Weg richtig Hazelton gmacht, wo’s gemäss Reiseführer schöni alti Sidlige us de Indianerzyt het. Dete aacho, simmer zerst mal is Visitor Center, wo me üs mal e Übersicht verschafft hend. De netti Herr, wo det schafftet, hett üs no paar Ort i de Karte zeiget, wos hübschi und alti Totempfähler het, also simmer optimistisch druf loos. Zerst simmer über e hochi Brugg mit ere schöne Ussicht über d’Schlucht (Claudia het sich a dere Stell gfraget, wie sie wohl de Giant Swing het chöne überlebe…). Nachher hemmer in Old Hazelton festgstellt, dass dä Ort nid ganz so spektakulär isch, wie versproche. Claudia isch den grad biz demotiviert gsi und drum hemmer gfunde, dass mir direkt zu de Totempfähl in Kispiox wiiitergönd. Totempfähler det sind den zimlich iidrücklich gsi, alt und gross. Ziit isch den für eimal wieder grennt und mir sind langsam Richtig Campground düüset. Womer det acho sind, hemmer en Spaziergang an Fluss abe gmacht, wo eus d’Campbetrieberin empfohle hett. Es segi en meeeega tolle Fluss. Ehrlich gseit hemmer aber scho schöneri Flussabschnitt in Kanada gseh. Defür hemmer eusi (sust scho sehr athletische Körper) trainiert und bewegt :). Mit Harry Potter lese und Outlander luege hemmer de Abig gmüetlich im Camper usklinge lah (sorry Guapalein & Vanessa, ich verzell eu den ob sich die 7. Staffle lohnt ;)).