Maaaagic Days

Uuuund endlich isch eis (vo dene vielne) Highlight für Claudia choo, s Diiiisneeeylaaaand :D S hend üs i üsere Reis zwar immer wieder Lüüt gseit, dass mir villicht biz werdet enttüscht sii, will s Disneyland in Florida sooo viel besser seg, aber vo dem hemmer üs natürli nid abschrecke la. Will Claudia in Paris im Disneyland ja fast scho en local isch, het si unweigerlich alles chli vergliche. Es het seeehr magisch agfange mitem obligate Sprung is Disneyland (Tanja, s next mal wieder mit dir <3) und em iisuuge vo de Magie, aber de Blick ufs Schloss het den d Uussage vo de Lüüt bereits nach wenige Minute biz bestätiget (dass sich das überhaupt darf Märlischloss nenne isch scho fast chli frech - jaaaa, Claudia het höchi Asprüch wenns um Disney gat…). Mir hends aber uuh mega gnosse und d Bahne mit allne schöne Details sind sehr sehr toll gsi. De zweiti Park, de California Park wo dezue ghört, het üs im grosse und ganze besser gfalle und es het richtig cooli Attraktione und Bahne gha womer üs so richtig hend chöne uustobe. Natürli het s obligate Merchandise-Kaufe nid dörfe fähle, au wenn de Hans gfunde het dass s Agebot bi Star Wars no chli grösser het dörfe sii. Defür isch de ganzi Star Wars Bereich (wos ja in Paris nid git) unglaublich guet und beiidruckend, de hends eifach fantastisch gmacht. Und soo schnell sind 2 Täg im Disneyland eifach wieder viiiel z schnell verbi gange, au wenn üsi Portmone bizzeli liechter und üsi Bei und Füess bizzeli schwerer gsi sind, simmer sehr happy wieder us Anaheim abgreist. Selbstverständli hemmers üs aber hüt morge vor de Abreis nid nä la, zerst no d Schwiizer Nati aa z füühre (wuhuuu Siiiiieg gege d Italiener (sorry Marco…)) und ez hockemer in San Diego, mached biz Wösch und Admin und sind froh, hemmer hüt nach so viel Action i de letschte Täg gar nid würklich Programm.