Reise und pflöötsche

Und scho het’s gheisse Bye Bye Oahu und Helloooo Kauai. Mit ere gmüetliche Flug-Zyt vo 40 Minute simmer uf di nächsti Hawaii-Insle cho. Leider hemmer aber für eimal chli es Puff gha bi de Auto Vermietig und erst s dritte Auto isch den au würklich s richtige gsi.
Und will Claudia so langsam recht K.O. isch vo dere ganze Reiserei (@Corinne jetzt wüssemer wasd gmeint hesch ;)) simmer nurno an Strand glege go sünnele und bädele. Am Abig hend mir denn eigentlich na es biz wele blogge, aber plötzlich isches dunkel worde. Stromusfall uf de ganze Insle :). Tja denn hemmer das halt namal en Tag usegschobe. I däm Moment sind mir froh gsi, dass mir zwei vollgladni e-Reader hend und so hend mir chönne chli Harry Potter im dunkle lese. Und will sünnele & bädele so viel Spass gmacht het und so wunderbar entspannend gsi isch, hemmer das am Dunnstig grad namal gmacht und hend üs de ersti richtigi Strand-Pflöötschi-Tag gönnt. Abem Fritig heissts den wieder früeh use und ab go d Insle erkunde :D