Road to Hana

De Wecker isch den so riiichtig früeh los, aber me het ja Plän, also Sand zu de Auge uusriibe und los geht’s uf d Road to Hana (wo wahrschinli jede Touri da uf Maui macht). Uf dere wunderschöne Strecki, wo würklich der Weg das Ziel isch, simmer durch 620 Kurvene und über 59 schmali Bruggene düüsed (obwohl düüse da eher s falsche Wort isch, will mer halt scho nid ganz so schnell isch bi so Strasseverhältnis…). Unterwegs hemmer bi verschiedene Lookouts und natürli eme Wasserfall halt gmacht, zudem simmer en mega tolle Lavatube go aluege womer ohni Taschelampe keine 10cm wiit gseh hetet. Eifach atemberaubend schön gsi die Strecki und mir hend si so richtig uuskostet und gnosse. Nachdem mir den bizzeli de Black Beach in Hana bestuunet hend, simmer de ganzi Weg und all die viele Kürvli wieder retour düüsed (und sind cheibe froh gsi, simmer am Morge so früeh loos, unglaublich was üs da für e Blechlawine entgege cho isch…). Fürs Zmittag simmer den bime leckere Foodtruck verbi, wo üs Denise, d Arbetskollegin vo de Claudia, empfohle het und das het sich meh als glohnt :D Claudia het zwar de Rückweg vo Hana dörfe fahre, aber nachem Esse het de Hans den wieder s Auto a sich grisse (nei Scherz, si het ihm das gern überla, wener scho so fest froid dra het ;)). Will mir den aber immerno kei Lust gha hend zum Bloge (jaaa, ez womers am Schriibe sind und all die Täg wieder müend zeme brösmele, bereuemer das e bizzeli….), simmer halt ad Hotelbar de Sunneuntergang go gnüüse :).