Let's chill

Will mir ja für di letschte Täg in Hawaii kei Programm me planet hend, ussert üs wie Plätzli am Strand z paniere und regelmässig z chehre, hemmer am hütige Morge nach wohlverdientem Uusschlafe s Auto abgä (ja, de Hans isch bizzeli truurig gsi…). Und jetzt chunt de erholsami Teil vo üsne Ferie und mir gnüüüssed ez eifach nur s sünnele, bädele, uusschlafe, lese, chille und paar Drinks a de Bar. Nach hüt strahlemer au nid nur vo inne, sondern au vo usse (jaaa, mir hend üs mal wieder bizzeli verbrennt, aber he, das wird ja den emal bruun :-P). Und will halt das chille, so toll dases für üs au isch, gar nid viel her git füren Blog, wird’s ez di nächste Tag wieder ruhig uf dere Siite. Mir hend fest vor, no en letschte Blog z mache, sobald mir, entweder no unterwegs (mir hend ja knapp 7h Ufenthalt in San Francisco) oder den dehei sind. Aber a dere Stell scho mal es Danke dass ihr so zaahlriich glese, mitgfieberet und kommentiert hend (au wenns meiste immer via Whattsapp cho isch :-P) und dass ihr üs uf üserer unglaubliche Reis begleitet hend. Bliibet dra, es chunt no was zum Schluss :).